Iesu’n dod i Fethlehem
Mae bron blwyddyn ers inni ddechrau codi arian a chyfrannu at BanglaCymru.
Gweledigaeth Wil Morus Jones yw BanglaCymru, a dydd Sul 21 Mehefin fe fydd yn ymweld â ni eto i ddweud wrthym am hynt a datblygiad y fenter.
Ond fydd Wil ddim ar ei ben ei hun y tro yma. Gydag ef bydd Dr Jishumoy Dev, cydlynydd y fenter ym Mangladesh ac un o’r meddygon medrus sy’n ymgymryd â’r llawdriniaethau.
Mae Jishu yn arbennig o awyddus i ddiolch i aelodau Bethlehem am y gefnogaeth a gafodd ac mae’n edrych ymlaen yn fawr at gael dod i’r ‘chapel’.
Bydd paned ar ôl yr oedfa a chyfle i bawb gael cwrdd â’r meddyg ifanc y pryd hynny.
Dewch i roi croeso tywysogaidd i Dr Jishu ac i ddysgu mwy am y gwyrthiau llawfeddygol ym Mangladesh.
Iesu’n dod i Fethlehem? Wel ffurf ar Iesu yw Jishu. ‘Daioni Iesu’ neu ‘gyfanrwydd Iesu’ yw ystyr Jishumoy.
yn ôl